a-la-carte

 

રાડ, ચીસ કે ચિત્કાર

જોરથી ઉઠેલા અવાજની પાછળ

કંઈ કેટલીયે લાગણીઓ હોય છે

ગુસ્સો, વ્યથા કે હતાશા...

પોતાનાથી, પોતાનાઓથી, કે દુનિયાથી..

દરેક ઉંચો ઉઠેલો અવાજ

કંઈ અપમાન કરવાની રાડ જ નથી હોતો

ક્યારેક,

ચુપકીદી ના સમજાવી શકાય ને

ત્યારે,

એ નિશબ્દ વ્યથા પણ ચીસ બની જાય

એવું પણ થાય!!

 

દરેક રાડ

કંઈ ચુપ કરાવવા જ ના હોય,

રાડારાડીમા ફક્ત ગુસ્સો જ ના પણ હોય,

એ ચિત્કાર

ચુપકીદી નું જ કોઈ બીજું સ્વરૂપ હોય,

એવું પણ હોય!

 

મારી રાડ ચીસ ને ચિત્કાર

હું જ છું,

એટલો જ હું

કે જેટલો મારી ચુપકીદીમાં કે મારી કવિતામાં હોવ છું.

 

જો મારી કવિતાને

ને મારી ચૂપકીદીને સમજો છો

 તો મારી ચીસોને પણ સમજોને! 

 

શું કરું,

હું આ લા કાર્ટ* માં ઉપલબ્ધ નથી!!!

 

 * a-la-carte