વિચારજો

કોની લડાઈ લડો છો? વિચારજો

ઉભરો છો કે પડો છો? વિચારજો

 

સતત કહેતા ને કરતા રહો છો કઇ

ખોવાવ છો કે જડો છો? વિચારજો

 

બંને બાજુએ ફરતી હોય છે ચાવી

વસાવ છો કે ઉઘડો છો? વિચારજો

 

ગાય ને ભાઈ, બેઉ મર્યા’તા ક્યાંક!

તમે કોના માટે રડો છો? વિચારજો

 

આકરું ચડવું, ને ઉતરવું ય છે કઠીન

કેવા કેવા ડુંગરે ચડો છો? વિચારજો

 

સમય આવે બધું બદલાય ‘અજબ’

તમે પાકો છો કે સડો છો? વિચારજો

 

 

Comments

Post a Comment

Popular posts from this blog

ડર

હારવાનો ડર   નિષ્ફળતાનો ડર અને   એટલે જ   કઈક નવું કરવાનો ડર   જિંદગીની રફતાર.. એમાં આવી ગયેલી સુરક્ષાની ભાવના અને ઠહેરાવને છંછેડવાનો ડર   જવાબો દેવાનો ડર સાચા જવાબો દઈને સંબંધોને ખોવાનો ડર   અજાણી આવતીકાલને આજ કરતાં સારી બનાવવામાં આજ-જેવી સહજતા ખોવાનો ડર     અજાણ્યાનો ડર અજાણ્યા લોકો , અજાણી જગ્યા   અજાણી પરિસ્થિતિને અનુભવવાનો ડર   જાણીતા અને કૈક અજાણ્યા ડર   અને એની વચ્ચે   કજિયા કરતુ   મનોબળ!!!  
Read more

સુગરી

ના મારે આંબવા આકાશ ના મારે બનવું રે બાજ હું તો સુગરી ભલી! ઝીણું ઝીણું કાંતવું ને ઘર રે મારે બાંધવું આખી દુનિયા મારી આ ઝાડ હું તો સુગરી ભલી! ના તાળીઓનો ગડગડાટ ના સાહ્યબીનો ઝળહળાટ મારા માળામાં મારાનો સાથ હું તો સુગરી ભલી! ના ભજવું ના બનવું મારે ના જાણવું કે પામવું મારે મારું હોવું, બસ હોવાને કાજ હું તો સુગરી ભલી!
Read more

ભગવાન

આંસુ , હાસ્ય , અચરજ બીક , જોખમ , રોમાંચ પ્રેમ , હુંફ , ભરોસો જીવનમાં કઈ કેટલું છે અનુભવવાનું ?!! હે ભગવાન , આમાં તને ભજવાનો અલાયદો સમય શાને કાઢું ? આ બધુંય તું જ તો છે.
Read more